آخـــر حــب

 
آخـــر حــب

كنت احسب اني عرفت الحب قبل اعرفك 
وعشقت قبل اعشقك واشتقت قبل التقيك 

وكنت احسب اني لقيت احباب قبل اوصلك 
واثري توهمت في غيرك وانا كنت ابيك

تعال نعطش وتشربني وانا اشربك 
تعال قبل الوعداجلس معي نحتريك 

تعال شفني وانا استناك .. كم اشبهك 
يطري علي ألف راي وراي واحتار فيك

اجي مكان الوعد والا اسبقه انطرك 
والا اخذ الموعد اللي يحتريك واجيك

يااخر الحب ذقت الحب في اولك 
ويااول الشوق اقصى الشوق ماينتهيك

علمتني كيف اعرفك لين صرت اجهلك 
ضيعتني في متاهاتك وكنت ارتجيك

حبيب الاحلام يابعدك ويامقربك
 حرام يكفي تبعثرني وانا احتويك

ان شفتك بحلم صدقته وانا اتوهمك 
وان شفتك بعلم كذبته الين انتشيك

اخاف اغمض عيوني وإن رمشت افقدك 
واخاف افتح وتصبح حلم ولا التقيك 

------------------

 
مـحـتــاج لــك

انتي بكف وباقي الخلــق في كف

 متعليه في وســـط قلبي ولك شان

في غير وصلك مالقلبي ترى شف

محتاج لك يا نور عيني وشفقان

لا جابوا اسمك صرت انا تقل مختف 

 مالي على نفسي الى اطروك سلطان

من غير حبك غضت عيوني الطرف

 ياللي جمالك صار للزين عنوان 

اريــــد انا قربك ترى ياغذا الحرف 

 وان ماحصل موتي ودنياي سيان 
 
 

 ------------------
 
 
 

 الـعـمـــر أحـــبــك

لليل أحبك .. مابقى في السما نور 

 والى ضواني الليل .. للصبح أحبك 

واللحظه اللي كلها صد و غرور 

 أشوف قبري بين عـينك و قلبك 

في صدري اسراجٍ حزينٍ ومكسور

  رغم المطر و الريح .. شلته افدربك 

والله مابه غير لوعاتي اقصور 

 وخوفي عليك الله ربي .. و ربك

إلى متى ببني على صمتك اجسور

لا حيرتني أسباب سلمك و حربك 

العمر أحبك .. مابقى فيني اشعور 

 ومتى جفاني العمر .. وشلون أحبك